Musa Cafeína

Colectivo artístico-cultural que organizamos actividades relacionadas con el fomento de la lectura, la difusión del arte y la mezcla de diversas disciplinas artísticas.

III Concursu de Microrrellatos y Micropoemas: TRESpallabr@RTE 2015 (bases n´asturianu)

letra-m mini009 letra_c_del_arco_iris_escultura_fotografica-p153320487236957526zv7fr_400letter_r_99523
 housedoctor-lampara-de-pared-letra-o-hecha-de-metaCol títulu xeneral de TRESpallabr@RTE, Musa Cafeína quier celebrar el so tercer aniversariu entemeciendo la pallabra con música, teatru, artes plástiques… Ente les actividaes que tán programaes nesta celebración, Musa Cafeína y Litografía Viña convoquen el III Concursu de Microrrellatos y Micropoemas col fin d’afalar la creatividá lliteraria.
El concursu va entamar a les 0:00 hores del día 14 de mayu de 2015 y va terminar el 21 de xunu de 2015 a les 24:00h. El fallu va facese públicu’l 15 de xunetu de 2013 nes páxines web, Facebook y blogues de Musa Cafeína y de Litografía Viña.
Bases del concursu:
La participación nel concursu supón l’aceptación de les presentes bases. Polo que, l’incumplimientu de dalguna d’elles va dar llugar a la esclusión del participante d’esti concursu.
Xeneralidaes
Va poder participar nel concursu cualesquier persona mayor de 18 años independientemente de la so nacionalidá y llugar de residencia.
Cada participante va poder presentar un máximu de 2 testos orixinales.
Los datos que faciliten los participantes pal so rexistru tendrán de ser veraces. Cualesquier persona qu’unvie datos incorrectos o incompletos va perder el drechu a participar.
Tema y presentación de trabayos
La tema va ser llibre, escritu en castellán, asturianu, catalán  o gallegu.
Los poemes o rellatos van tener una estensión máxima de 200 palabres (microrrelatu) o 10 versos (micropoema).
Los títulos de los testos presentaos al concursu nun se van contabilizar como parte del rellatu o poema.
El plazu d’almisión de los testos va escomencipiar el día 14 de mayu y va rematar el día 21 de xunu de 2014 (dambos inclusive).
Tolos rellatos y poemes tendrán de ser unviaos en formatu Word (Arial, 12 pto.) al corréu musacafeina@gmail.com
Nel asuntu del mensaxe va especificase: pa TRESpallabr@RTE 2015 y, ente paréntesis (micropoema o microrrellatu, y l’idioma nel que tán escritos)
Nel cuerpu del corréu indicarán los títulos de los testos que se presenten al concursu, de nuevu va clasificase’l xéneru del testu y l’idioma.
Amás tamién va ser necesariu qu’apaezan nel cuerpu del mensaxe los siguientes datos de contactu de l’autor o autores: nome y apellíos, DNI, edá, señes postales, teléfonu y corréu de contactu.
Nun van valorase aquellos trabayos con faltes d’ortografía o espresiones gramaticales incorrectes. Tampoco aquellos que contengan insultos, espresiones peyoratives, discriminatories o racistes, según enguizamientos a la violencia o amenaces.
Los participantes van responder énte Musa Cafeína y Litografía Viña de l’autoría y orixinalidá del microrrellatu o micropoema colos que participaren nel concursu, asumiendo la total responsabilidá y dexando, poro, a Musa Cafeína y Litografía Viña indemnes frente a cualesquier reclamación que, nesti sentíu, pudieren efectuar terceres persones.
Los testos presentaos tienen de ser obres que nun fueren premiaes n’otros concursos. Amás tienen de tar llibres de cualesquier compromisu editorial previu o simultáneu.
 
Composición y designación del Xuráu:
El xuráu va tar formáu por escritores y otres persones rellacionaes col arte designaes por Musa Cafeína y Litografía Viña.
La so composición va facese pública al traviés del blogue, el Facebook y la web de Musa Cafeína y Litografía Viña.
Toa decisión del xuráu va ser irrevocable, pudiendo declarar el premiu ermu si tres un analís minuciosu de los microrrellatos o micropoemas recibíos, nengún tuviera calidá abondo.
El fallu del xuráu va unviar por corréu lletrónicu a les persones ganadores y finalistes y va ser espublizáu públicamente’l 15 de xunetu de 2015.
Premios:
Va haber un únicu premiu en cada idioma pal Concursu de Microrrellatos y otru pal de Micropoemas.
El xuráu va valorar otorgar dalgún accésit si lo considera oportunu, ensin qu’ello implique la espublización de los testos.
Los ocho trabayos premiaos van ser espublizaos nun llibru d’artista maquetáu, ilustráu y editáu por Litografía Viña y Musa Cafeína.
El ganadores o ganadores van llograr 2 exemplares del llibru asoleyáu.
Un mesmu autor o autora namás puede recibir unu de los premios.
La primer presentación del llibru y entrega de premios va celebrase en Xixón nel llocal de Litografía Viña, Xixón. Tamién van poder realizase presentaciones n’otres ciudaes d’España si la organización lo camienta preciso.
Les persones ganadores del concursu comprométesen a participar nes presentaciones del llibru que la organización envalore oportuno. La fecha y l’hora d’estes presentaciones van determinales la organización del concursu.
L’autor o autora ganadores van vencer, temporal y gratuitamente a Musa Cafeína y a Litografía Viña los drechos editoriales de reproducción, distribución, tresformamientu, comunicación pública y cualesquier otros derechos necesarios pa la comercialización total o parcial del mesmu en cualquier soporte y pa tol mundu. Tamién dexará el so imaxe pal espardimientu y promoción del llibru. Esta cesión va durar el periodu máximu que la llei permita.
Musa Cafeína y Litografía Viña esímesen de toa responsabilidá polos daños que pudieren derivase del usu incorrectu o non aparente de los microrrellatos y micropoemes presentaos a concursu y espublizaos per parte de terceros.
De conformidá cola Llei Orgánica 15/99, de 13 d’avientu, de Protección de Datos de Calter Personal, informámoslos de que los datos facilitaos pa la inscripción nel Concursu de Microrrellatos y Micropoemas van ser incorporaos de forma temporal al archivu de Musa Cafeína y Litografía Viña con cuenta de xestionar y controlar la participación nesti Concursu.
La organización va tener potestá pa resolver cualesquier imprevistu non recoyíu nestes bases.
En Xixón, a 13  de mayu de 2015
(collabora con Musa Cafeína, Iniciativa POL asturianu)  imagesCAI6GGP0
Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Información

Esta entrada fue publicada en mayo 13, 2015 por en Adultos, Portada, Textos y etiquetada con , , .
A %d blogueros les gusta esto: